ഭജന അവസാനിച്ചു. അന്തരീക്ഷം ധ്യാനമഗ്നമായി. അല്പം കഴിഞ്ഞു മക്കളുടെ മുഖകമലങ്ങളിലെ തേന് നുകരാന് മത്സരിച്ചു പറക്കുന്ന രണ്ടു കരിവണ്ടുകളെപ്പോലെ അമ്മയുടെ മിഴികള് ഇളകി. ഒരു ബ്രഹ്മചാരി മെല്ലെ തന്റെ സംശയം അവതരിപ്പിച്ചു. ”അമ്മേ, ഇന്നുച്ചയ്ക്കു അമ്മ പശുവിനു കാടി കൊടുക്കുമ്പോള് സംസാരിക്കാന് വന്നവരോടു പറഞ്ഞില്ലേ, മിണ്ടാതിരിക്കാന്. അമ്മ ചെയ്യുന്നതു ജോലിയല്ല . കാടിയിലൂടെ ആ മിണ്ടാപ്രാണികള്ക്കു് അമ്മയുടെ സ്നേഹം പകരുകയാണെന്നും പറഞ്ഞല്ലോ. സാധാരണയായി സ്നേഹം വാക്കുകളിലൂടെയല്ലേ പ്രകടിപ്പിക്കുന്നത്. അമ്മ പറയുന്നതു കേട്ടപ്പോള് തോന്നി സംസാരം സ്നേഹം പകരാന് […]
Tag / സ്നേഹം
ജീവിതം ഹൃദയം നിറഞ്ഞ ഒരു പൊട്ടിച്ചിരിയായി മാറണം. അതാണു മതം. അതാണു് ആദ്ധ്യാത്മികത. അതാണു യഥാര്ത്ഥ പ്രാര്ത്ഥന. ഉള്ളില്നിന്നു പൊട്ടിവിടരുന്ന നിഷ്കളങ്കമായ പുഞ്ചിരിയാണു് ഈശ്വരന്. ലോകത്തിനു നമ്മള് നല്കേണ്ട ഏറ്റവും വലിയ സമ്മാനവും ഇതുതന്നെ. എന്നാല്, ഈ ചിരി ഇന്നത്തെ ലോകത്തിനു് അന്യമാണു്. സ്വാര്ത്ഥതയും വിദ്വേഷവും കൃത്രിമത്വവും നിറഞ്ഞ ചിരി മാത്രമേ ഇന്നത്തെ ലോകത്തിനു പരിചയമുള്ളൂ. ഇതു ചിരിയല്ല, ചുണ്ടു വിടര്ത്തല് മാത്രമാണു്. കാരണം, അവിടെ ഹൃദയമില്ല. അതു പാപമാണു്. ഹിംസയാണു്. ആത്മവഞ്ചനയാണു്. നിഷ്കളങ്കമായ കളിയും ചിരിയും […]
സായംസന്ധ്യ. ധ്യാനമന്ദിരത്തിനു മുന്നിലെ വരാന്തയില് കുറച്ചു പേര് കൂടിനില്ക്കുന്നു…. വെള്ളത്താമരപ്പൊയ്കയില് നീലനീരജമെന്ന പോലെ അവരുടെ മദ്ധ്യത്തില് അമ്മയും ഉണ്ട്. ബ്രഹ്മചാരികളും ഗൃഹസ്ഥാശ്രമികളും എല്ലാം ഭജനാനന്ദത്തില് ആകണ്ഠം ആമഗ്നരായിരിക്കുന്നു. സ്വരരാഗസുധാ സരിത്തില് ചേര്ന്നലിയാന് വെമ്പുന്ന കൈത്തോടുകള്പോലെ അമ്മ പാടുന്ന വരികള് എല്ലാവരും ഏറ്റു പാടുന്നുമുണ്ട്……. കാമേശ വാമാക്ഷീ കാമദേകാത്തരുളീടേണമെങ്ങളെശക്തീ മഹാദേവീ ……. ഭക്തിഗമ്യേ നമസ്കാരംവിത്തേ ഏകസത്തേ പൂര്ണ്ണചിത്തേ നമസ്കാരം സര്വ്വ ചരാചരത്തില് വിളങ്ങുമെന്സര്വ്വേശ്വരീ കമലേവിണ്ണവര് നാഥയായി അമരര്ക്കുദണ്ഡമൊഴിക്കുമമ്മേ (കാമേശ) പാലാഴിനാഥനെയും പാലിക്കുന്നപാവനീ പത്മസ്ഥിതേഅപ്പരമേഷ്ടി കൃത്യം വഹിപ്പതുംവിഷ്ടപേ നിന് കടാക്ഷം […]
ചില കുടുംബങ്ങളില് അടുത്തടുത്ത വര്ഷങ്ങളില് മരണം നടക്കുന്നതു കാണാം. ചില കുടുംബങ്ങളില് അപകടങ്ങളുടെ ഒരു നീണ്ട നിര തന്നെ കാണാം. ചിലര്ക്കു് എത്ര കല്യാണാലോചനകള് വന്നാലും ഒന്നും ശരിയായി കാണാറില്ല. ചില കുടുംബങ്ങളില് കുട്ടികള് ജനിക്കാറില്ല. ചില കുടുംബത്തില് ചെറുപ്രായക്കാര്ക്കും മരണം സംഭവിക്കുന്നു. ചില കുടുംബങ്ങളില്, പെണ്കുട്ടികള് മുപ്പതും നാല്പതും വയസ്സാകുമ്പോള് തന്നെ വിധവകളാകുന്നു. ഇതിനൊക്കെ കര്മ്മഫലമെന്നു മാത്രമേ കാരണം പറയുവാന് കഴിയൂ. അതിനാലാണു നമ്മള് ചെയ്യുന്ന ഓരോ കര്മ്മവും, നമ്മുടെ ഓരോ വാക്കും, ഓരോ നോട്ടവും […]
കര്മ്മത്തില് ശരിയായ പ്രേമസംഗത ഉണ്ടാകണമെങ്കില് ഏകാഗ്രതയും നിസ്സ്വാര്ത്ഥതയും കൂടാതെ കഴിയില്ല. അവയില്ലാതെ നമ്മുടെ ഉള്ളിലെ സ്നേഹപുഷ്പം വിടരുകയുമില്ല. ഉച്ചതിരിഞ്ഞു രണ്ടു മണിയായപ്പോഴാണു് അമ്മ അറിയുന്നതു് അന്നു് അതുവരെയും പശുക്കള്ക്കു തീറ്റയും വെള്ളവും കൊടുത്തിട്ടില്ലെന്ന്. അമ്മ വിളിപ്പിച്ചപ്പോള്ത്തന്നെ പശുക്കളുടെ ചുമതല വഹിക്കുന്ന ബ്രഹ്മചാരിക്കു കാര്യം മനസ്സിലായെന്നു തോന്നുന്നു. തല കുനിച്ചാണു വരവ്. ക്ഷമാപണപൂര്വ്വം താന് പശുക്കള്ക്കു തീറ്റ കൊടുക്കാന് മറന്നു പോയി എന്നു് അമ്മയെ അറിയിച്ചു. അമ്മയുടെ ശബ്ദമുയര്ന്നു, ”എന്താ നീയീപ്പറയുന്നത്! ഈ മിണ്ടാപ്രാണികള്ക്കു തീറ്റയും, വെള്ളവും കൊടുക്കാന് […]
Download Amma App and stay connected to Amma