Author / amrita

ഇന്ന് യുവത്വം എന്നു പറയുന്ന കാലഘട്ടം ജീവിതത്തില്‍ ഇല്ലാതെയായികൊണ്ടിരിക്കുന്നു. മനുഷ്യന്‍ ബാല്യത്തില്‍നിന്നും നേരേ വാര്‍ദ്ധ്യത്തിലേക്കാണ് വളരുന്നത്. ഈശ്വരനാകാന്‍ സാദ്ധ്യതയുള്ള മനുഷ്യനെ പിശാചാക്കി മാറ്റുന്ന ഈ മദ്യത്തെക്കാള്‍ വലിയ വിഷം വേറെയില്ല എന്ന സത്യം മക്കള്‍ ഒരിക്കലും മറക്കാതിരിക്കട്ടെ. – അമ്മ

ഞാന്‍ എന്നും എന്‍റെത് എന്നുമുള്ള ഇന്നത്തെ സങ്കുചിതമായ കാഴ്ച്ചപ്പാട് നാം എന്നും നമ്മുടെത് എന്നുമുള്ള വിശാലമനോഭാവത്തിന് വഴിമാറണം. – അമ്മ

ഇന്ന് സാങ്കേതികവിദ്യ വളര്‍ന്നു വികസിച്ചതു കൊണ്ട് നമ്മുടെ ജീവിതനിലവാരം ഉയര്‍ന്നുവെന്നു വിചാരിക്കുന്നു. എന്നാല്‍ ആ വിദ്യയെ ശരിയായ വിധം കൈകാര്യം ചെയ്യാനുള്ള മാനസിക പക്വതകൂടെ നമ്മള്‍ കൈവരിക്കണം. അല്ലെങ്കില്‍ അപകടമായിരിക്കും.  – അമ്മ

നമ്മള്‍ വ്യക്തികളെ സ്‌നേഹിക്കുകയും വസ്തുക്കളെ ഉപയോഗിക്കയുമാണ് വേണ്ടത് എന്നാലിന്ന് നേരേതിരിച്ചാണ് ചെയുന്നത് വ്യക്തികളെ ഉപയോഗിക്കുന്നു, വസ്തുക്കളെ സ്‌നേഹിക്കുന്നു. ഇങ്ങിനെയാല്‍ കുടുംബങ്ങള്‍ തകരും, സമൂഹത്തിന്‍റെ താളലയം നഷ്ടപ്പെടും. – അമ്മ

ആത്മീയത എന്നുവച്ചാല്‍ ജീവിതത്തില്‍ നാം പുലര്‍ത്തുന്ന മൂല്യങ്ങളാണ്. അവയും സാങ്കേതികവിദ്യയും കൈകോര്‍ക്കുമ്പോള്‍ മാത്രമേ മനുഷ്യരാശിക്കു ശരിയായ വളര്‍ച്ചയും വികാസവും കൈവരിക്കാന്‍ കഴിയൂ. ഇതെങ്ങനെ സാദ്ധ്യമാക്കാമെന്നതാണ് ഈ നൂറ്റാണ്ട് നേരിടുന്ന ഏറ്റവും വലിയ വെല്ലുവിളി. – അമ്മ