ഈശ്വരന് അനന്തഗുണങ്ങളുടെ ഇരിപ്പിടമാണെന്ന് പറയാറുണ്ട്. എന്നാല് അവിടുന്ന് വാക്കിനും മനസ്സിനും അതീതനാണ്. മഹാത്മാക്കളുടെ ജീവിതങ്ങളിലൂടെയാണ് നാം ഈശ്വരന്റെ ദിവ്യത്വം നേരില് അനുഭവിക്കുന്നത്.
Category / സന്ദേശങ്ങൾ
(അടിമത്തവും മനുഷ്യക്കടത്തും നിവാരണം ചെയ്യണമെന്ന ആഹ്വാനവുമായി മാതാ അമൃതാനന്ദമയി ദേവി ലോകമത നേതാക്കളുമായി ഒത്തുചേര്ന്നു. ഫ്രാന്സിസ് മാര്പാപ്പയുമായി 2014 ഡിസംബർ 2 ചൊവ്വാഴ്ച വത്തിക്കാനില് നടത്തിയ കൂടിക്കാഴ്ചയില് 2020 ഓടെ ഈ വിപത്തുകള് നിവാരണം ചെയ്യുന്നതിനുള്ള പ്രതിബദ്ധത അവര് പ്രഖ്യാപിച്ചു.ആഗോളതലത്തിലെ പ്രശ്നങ്ങള്ക്ക് ഐക്യത്തിലൂടെയും സമാധാനത്തിലൂടെയും പരിഹാരം കണ്ടെത്തുന്നതിന് മതനേതാക്കളുമായുള്ള ഇത്തരത്തിലുള്ള കൂടിക്കാഴ്ചകള് വഴിതെളിക്കുമെന്ന് അമ്മ അഭിപ്രായപ്പെട്ടു. ലോകത്തുനിന്നും അടിമത്തം തുടച്ചുനീക്കുന്നതിന് കത്തോലിക്ക, ആംഗ്ലിക്കന്, ഓര്ത്തഡോക്സ് മതനേതാക്കള്ക്കൊപ്പം ഹൈന്ദവ, ബുദ്ധ, യഹൂദ, മുസ്ലിം മത നേതാക്കളും ഒരുമിച്ച് അണിനിരന്ന ചരിത്രനിമിഷത്തിനായിരുന്നു വത്തിക്കാന് സാക്ഷ്യംവഹിച്ചത്. മനുഷ്യക്കടത്ത്, നിര്ബന്ധിത […]
സംതൃപ്തിയാണു് ഏറ്റവും വലിയ ധനം. ലോകത്തിലെ ഏറ്റവും വലിയ ദരിദ്രനാണെങ്കിലും, സംതൃപ്തിയുണ്ടെങ്കില് അവനാണു ധനികന്. ധനികനാണെങ്കിലും, സംതൃപ്തിയില്ലെങ്കില്, അവനാണു ദരിദ്രന്.
ഈശ്വരന് സകലരുടെയും ഉള്ളില് അന്തര്യാമിയായി വസിക്കുന്നുണ്ടു്. അവിടുന്നു് ഓരോ നിമിഷവും നമ്മളോടു പ്രേമപുരസ്സരം മൃദുവായി സരളതയോടെ സംസാരിക്കുന്നുമുണ്ടു്. പക്ഷേ, അതിനു ചെവി കൊടുക്കാനുള്ള ക്ഷമ നമുക്കില്ല. അതു കേള്ക്കാനുള്ള കാതും നമുക്കില്ല. അതിനാല് വീണ്ടും വീണ്ടും നമ്മള് തെറ്റുകള് ചെയ്യുന്നു. ദുഃഖം അനുഭവിക്കുന്നു.
ന്നു.
കോപം, കോപിക്കുന്നവനേയും ഏറ്റുവാങ്ങുന്നവനെയും അപകടപ്പെടുത്തും. ശരീരത്തിലുണ്ടാവുന്ന മുറിവു വേഗം പൊറുക്കും. കോപത്താല് പറയുന്ന വാക്കുകള് ഉണ്ടാക്കുന്ന മുറിവു് ഉണങ്ങുകയില്ല. അതിനാല് കോപം വരുന്നു എന്നറിഞ്ഞാല്, അതു പ്രകടിപ്പിക്കുകയോ ഉള്ളില് അമര്ത്തുകയോ അല്ല, അതിനെ വിവേകബുദ്ധികൊണ്ടു് ഇല്ലാതാക്കുകയാണു വേണ്ടതു്.
Download Amma App and stay connected to Amma