കണ്ണുകള് ഇല്ലാത്തതു മൂലം അന്ധത ബാധിച്ചവരെ പിന്നെയും നയിക്കാം. എന്നാല് അഹങ്കാരത്തിന്റെ അന്ധത ബാധിച്ചാല് നാം പരിപൂര്ണ്ണമായും അന്ധകാരത്തിലാകും, അതു നമ്മെ കൂരിരുട്ടിലേക്കു തള്ളും.
Category / സന്ദേശങ്ങൾ
ചിന്ത വാക്കും, വാക്കു പ്രവൃത്തിയുമായിക്കഴിഞ്ഞാല് പിന്നീടതിന്റെ ഗതി മാറ്റുക പ്രയാസമാണു്. മനസ്സിനെ നമ്മുടെ കൈപ്പിടിയിലൊതുക്കുവാന് പറ്റുന്ന ഏകമാര്ഗ്ഗം ധ്യാനമാണു്.
നാം നമ്മുടെ സ്വരൂപം വിട്ടു മറ്റൊന്നായിക്കൊണ്ടിരിക്കുകയാണു്. ഒരു നിമിഷംപോലും നമ്മള് നമ്മളിലല്ല. അതിനാല് നമ്മള് ഓരോ കര്മ്മത്തിലും ഈ ബോധം കൊണ്ടുവരാന്, കര്മ്മത്തില് ജാഗ്രത കൊണ്ടുവരാന് ശ്രമിക്കണം. അതിനുള്ള എളുപ്പമാര്ഗ്ഗമാണു ധ്യാനം
ഏതോ ഒരു ഉറക്കത്തിലാണു നമ്മളിന്നു കഴിയുന്നതു്.വാക്കിലോ പ്രവൃത്തിയിലോ ശരിയായ ബോധം വരുന്നില്ല. ചെയ്യുന്ന ഓരോ കര്മ്മത്തിന്റെയും ഭവിഷ്യത്തിനെക്കുറിച്ചു നമുക്കു ബോധമുണ്ടായാല്പ്പിന്നെ, നമുക്കു തെറ്റു ചെയ്യുവാന് സാധിക്കയില്ല.
വിദ്യാഭ്യാസം കഴിഞ്ഞെത്തുന്നവര് നടക്കുന്ന കംപ്യൂട്ടര് പോലെയായിത്തീര്ന്നിരിക്കുന്നു. ശവത്തിനു മേക്കപ്പിട്ടിരിക്കുന്നതു പോലെ ആയിരിക്കുന്നു. ഹൃദയം അവിടെ നഷ്ടപ്പെട്ടു പോയിരിക്കുന്നു. ഇന്നു നമ്മള് ജോലിക്കുവേണ്ടി ജീവിക്കുന്നു; ജീവിക്കാന്വേണ്ടിയല്ല ജോലി ചെയ്യുന്നതു്.
Download Amma App and stay connected to Amma