എന്തിന് വേണ്ടിയാണ് തങ്ങള്‍ പഠിക്കുന്നതെന്ന ബോധം പോലും ഇന്നത്തെ ചെറുപ്പക്കാര്‍ക്കില്ല. ഏതു വിധത്തിലെങ്കിലും ഒുരുസര്‍ട്ടിഫിക്കറ്റ് നേടണമെന്നല്ലാതെ വിദ്യാഭ്യാസം കൊണ്ട് ശരിയായ ജ്ഞാനമോ നല്ല സംസ്‌കാരമോ നേടാന്‍ യുവാക്കള്‍ക്ക് ആഗ്രഹമില്ല. അവര്‍ക്കതിന് പ്രചോദനം കൊടുക്കാന്‍ അദ്ധ്യാപകര്‍ക്കും കഴിയുന്നില്ല. – അമ്മ

നമ്മുടെ കുട്ടികള്‍ ഇന്ന് പലതരം വിഷയങ്ങളെ പറ്റി കൂടുതല്‍ പഠിക്കുന്നുണ്ട്. എന്നാല്‍ ഈ അറിവുകളെല്ലാം അടിത്തറയില്ലാതെ പണിതുയര്‍ത്തിയ വീട് പോലെയാണ്. അടിസ്ഥാനമായി അറിയേണ്ട അദ്ധ്യാത്മികത്തിന് ഇന്ന് നമ്മള്‍ ജീവിതത്തില്‍ ഒരു സ്ഥാനവും കൊടുക്കുന്നില്ല – അമ്മ

ഇന്ന് നമ്മൾ ബിസിനസ് മാനേജ്‌മെന്റ് പഠിപ്പിക്കുന്നുണ്ട്. എന്നാൽ ജീവിതം എന്നത് വെറും ബിസിനസ് മാത്രമല്ല. എങ്ങനെയാണ് ജീവിതം അതിന്റെ പൂർണ്ണതയിൽ ആസ്വദിക്കേണ്ടത് എന്നറിയണമെങ്കിൽ ആദ്ധ്യാത്മികം അറിയണം. ആദ്ധ്യാത്മികത ജീവിതത്തിന്റെ മൊത്തത്തിലുള്ള മാനേജ്‌മെന്റാണ് പഠിപ്പിക്കുന്നത് – അമ്മ

കുട്ടികൾക്ക് ആദ്ധ്യാത്മിക സംസ്‌കാരം കിട്ടേണ്ടത് അവരുടെ മാതാവിൽ നിന്നാണ്. പക്ഷേ, ഇന്ന് നമ്മുടെ അമ്മമാർക്ക് അവരുടെ കുട്ടികൾ ഡോക്ടറാകണം, അല്ലെങ്കിൽ എഞ്ചിനീയറാകണം, എന്ന് മാത്രമേയുള്ളു. കുട്ടികൾ നല്ല മനുഷ്യരാകണം എന്നതിന് ഒരു പ്രാധാന്യവും അച്ഛനമ്മമാർ നൽകുന്നില്ല. നമുക്ക് നമ്മുടേതായ ഒരു കാഴ്ചപ്പാടില്ല. – അമ്മ