കുറഞ്ഞ കാലത്തിനുള്ളില് മക്കളുടെയൊക്കെ പ്രയത്നത്തിൻ്റെ ഫലമായി നമ്മുടെ ആശ്രമത്തിനു് ഇത്രയൊക്കെ സേവനം ചെയ്യുവാനുള്ള ഭാഗ്യം കിട്ടി. അപ്പോള് മക്കള് ഉത്സാഹിച്ചാല് ഇനിയും എത്രയോ അധികം സേവനങ്ങള് ലോകത്തിനു ചെയ്യുവാന് സാധിക്കും! 25,000 വീടുകള് സാധുക്കള്ക്കു നിര്മ്മിച്ചു കൊടുക്കുവാന് തീരുമാനിച്ചു എന്നറിഞ്ഞപ്പോള്തന്നെ, ലക്ഷത്തില് കൂടുതല് അപേക്ഷകളാണു് ഇവിടെയെത്തിയതു്. മിക്ക അപേക്ഷകരും വീടിനു് അര്ഹതപ്പെട്ടവര്. മക്കള് വിചാരിച്ചാല് കിടപ്പാടമില്ലാത്ത ഓരോരുത്തര്ക്കും വീടുവച്ചുകൊടുക്കുവാന് കഴിയും. സംശയം വേണ്ട. മക്കള് ജീവിതത്തില് അധികപ്പറ്റു ചെലവു ചെയ്യുന്ന പണം മതി ഇതു സാധിക്കുവാന്. ‘ഇന്നു […]
Tag / മനസ്സു്
നമുക്കു് എളുപ്പം ചെയ്യാവുന്നതും സദാസമയവും അനുഷ്ഠിക്കുവാന് കഴിയുന്നതുമായ ഒരു സാധനയാണു ജപ സാധന. മക്കള് ഇവിടേക്കു വരാന് വണ്ടിയില് കയറി. ആ സമയം മുതല് ഇവിടെ എത്തുന്നതുവരെ ജപിച്ചുകൂടെ? തിരിയെ പോകുമ്പോഴും ജപിച്ചു കൂടെ? അതുപോലെ ഏതു യാത്രാസമയത്തും ജപം ചെയ്യുന്നതു് ഒരു ശീലമാക്കിക്കൂടെ? ആ സമയം എന്തിനു മറ്റു കാര്യങ്ങള് സംസാരിച്ചു് ആരോഗ്യം നശിപ്പിക്കണം, മനസ്സിനു അശാന്തിയുണ്ടാക്കണം? ജപ സാധനയിലൂടെ മനഃശാന്തി മാത്രമല്ല, കാര്യലാഭവുമുണ്ടാകും. ഈശ്വരനെ മാത്രമല്ല, അവിടുത്തെ വിഭൂതികളും സ്വന്തമാക്കുവാന് കഴിയും.
എല്ലാവര്ക്കും ഒരേ ഉപദേശം നല്കുവാനാവില്ല. ഒരേ കാര്യം തന്നെ പറഞ്ഞാല് ഓരോരുത്തരും വ്യത്യസ്ഥ രീതിയില് ആയിരിക്കും ഉള്ക്കൊള്ളുക. അതിനാലാണു് ആദ്ധ്യാത്മിക ഉപദേശങ്ങള് ആളറിഞ്ഞു നല്കേണ്ടതാണെന്നു പറയുന്നതു്. ഇന്നു് ഇവിടെ കൂടിയിട്ടുള്ള മക്കളില് തൊണ്ണൂറു ശതമാനം പേരും ആദ്ധ്യാത്മികത ശരിക്കു മനസ്സിലാക്കിയിട്ടുള്ളവരല്ല. ഓരോരുത്തര്ക്കും അവരുടെ ചിന്താശക്തിക്കും സംസ്കാരത്തിനും അനുസരിച്ചേ കാര്യങ്ങള് ഉള്ക്കൊള്ളുവാന് കഴിയൂ. അതിനാല് ഓരോരുത്തരുടെ തലത്തിലേ ഇറങ്ങിച്ചെന്ന് ഉപദേശം പറഞ്ഞു കൊടുക്കേണ്ടതുണ്ടു്. ഒരു കടയിലുള്ള ചെരിപ്പുകള് എല്ലാം ഒരേ വലിപ്പത്തിലും ഒരേ ഫാഷനിലും ഉള്ളതാണു് എന്നു കരുതുക. […]
മക്കളേ, സയന്സ് പുറംലോകം എയര്ക്കണ്ടീഷന് ചെയ്യുമെങ്കില്, ആദ്ധ്യാത്മികത ആന്തരികലോകത്തെയാണു് എയര്ക്കണ്ടീഷന് ചെയ്യുന്നതു്. മനസ്സിനെ എയര്ക്കണ്ടീഷന് ചെയ്യുന്ന വിദ്യയാണു് ആദ്ധ്യാത്മികത. അതു് അന്ധവിശ്വാസമല്ല, അന്ധകാരത്തെ അകറ്റുന്ന തത്ത്വമാണു്. ഒരു കുട്ടിയുടെ മുന്നില് ഒരു കൈയില് ചോക്ലേറ്റും മറുകൈയില് സ്വര്ണ്ണനാണയവും വച്ചുനീട്ടിയാല്, കുട്ടി ഏതെടുക്കും? അവന് ചോക്ലേറ്റെടുക്കും. സ്വര്ണ്ണനാണയം എടുക്കില്ല. സ്വര്ണ്ണനാണയമെടുത്താല് ഒരു ചോക്ലേറ്റിനു പകരം എത്രയോ അധികം ചോക്ലേറ്റു വാങ്ങാം എന്ന സത്യം, ആ കുട്ടി അറിയുന്നില്ല. നമ്മളും ഇന്നിതുപോലെയാണു്. ഭൗതികതയുടെ ആകര്ഷണത്തില്, യാഥാര്ത്ഥ്യബോധം നമുക്കു നഷ്ടമാകുന്നു. ഒരിക്കലും […]
ഇന്നത്തെ കുടുംബജീവിതത്തില് പുരുഷന് രണ്ടു് അധികം രണ്ടു് സമം നാലു് എന്നു പറയും. എന്നാല്, സ്ത്രീയെ സംബന്ധിച്ചിടത്തോളം രണ്ടു് അധികം രണ്ടു് സമം നാലു മാത്രമല്ല, എന്തുമാകാം. പുരുഷന് ബുദ്ധിയിലും സ്ത്രീ മനസ്സിലുമാണു ജീവിക്കുന്നതു്. ഇതുകേട്ടു പെണ്മക്കള് വിഷമിക്കണ്ട. പുരുഷന്മാരില് സ്ത്രീത്വവും സ്ത്രീകളില് പുരുഷത്വവുമുണ്ടു്. പൊതുവായി പറഞ്ഞാല് പുരുഷൻ്റെ തീരുമാനങ്ങള് ഉറച്ചതാണു്. അതു സാഹചര്യങ്ങള്ക്കു സാധാരണ വഴങ്ങിക്കൊടുക്കാറില്ല. മുന്പ്രകൃതംവച്ചു് ഓരോ സാഹചര്യങ്ങളില് ഒരു പുരുഷന് എങ്ങനെ പ്രവര്ത്തിക്കും എന്നു മുന് കൂട്ടി നിശ്ചയിക്കുവാന് സാധിക്കും. എന്നാല് സ്ത്രീ […]
Download Amma App and stay connected to Amma