മക്കളേ, സാധുക്കളോടുള്ള കരുണയും കഷ്ടപ്പെടുന്നവരുടെ വേദന കാണുമ്പോഴുള്ള ഹൃദയാലിവുമായിരിക്കണം സേവനത്തിനുള്ള നമ്മുടെ പ്രചോദനം. ക്ഷീണിക്കുന്നു എന്നു തോന്നുമ്പോള്തന്നെ ജോലി നിര്ത്താതെ കുറച്ചു സമയംകൂടി ജോലി ചെയ്യുവാന് തയ്യാറാകുന്നുവെങ്കില് യാതൊരു പ്രതിഫലവും ഇച്ഛിക്കാതെ ത്യാഗപൂര്വ്വം ചെയ്ത ആ കര്മ്മം ജോലിയോടുള്ള നമ്മുടെ സമര്പ്പണത്തെയാണു കാണിക്കുന്നതു്. അതില്നിന്നു ലഭിക്കുന്ന പണം സാധുക്കളെ സഹായിക്കുന്നതിനുവേണ്ടി ഉപയോഗിക്കുന്നുവെങ്കില് അതാണു നമ്മുടെ കരുണ നിറഞ്ഞ മനസ്സു്. മക്കളേ, പ്രാര്ത്ഥനകൊണ്ടു മാത്രം പ്രയോജനമില്ല. ശരിയായ രീതിയില് കര്മ്മം അനുഷ്ഠിക്കുവാന് കൂടി തയ്യാറാകണം. ജോലി ലഭിക്കണമെങ്കില് വിദ്യാഭ്യാസയോഗ്യതമാത്രം […]
Tag / സമർപ്പണം
മിതത്വം പാലിക്കുക ഇവിടെ വരുന്ന മിക്ക മക്കള്ക്കും എത്തിക്കഴിഞ്ഞാല് തിരിയെ പോകുന്നതിനെക്കുറിച്ചാണു ചിന്ത. പോകേണ്ട ബസ്സിനെക്കുറിച്ചാണു് ആലോചന. അമ്മയെക്കാണുന്ന ഉടനെ എങ്ങനെയെങ്കിലും ഒന്നു നമസ്കരിച്ചിട്ടു തിരിയെപ്പോകുവാനാണു ധൃതി. ‘അമ്മേ, വീട്ടിലാരുമില്ല. ഉടനെപ്പോകണം, ബസ്സിന്റെ സമയമായി’ ഇതാണു പലര്ക്കും പറയുവാനുള്ളതു്. സമര്പ്പണം വായകൊണ്ടു പറയേണ്ടതല്ല; പ്രവൃത്തിയിലാണു കാണേണ്ടതു്. ഇവിടെ വരുന്ന ഒരു ദിവസമെങ്കിലും പൂര്ണ്ണമായി ആ തത്ത്വത്തിനുവേണ്ടി സമര്പ്പണം ചെയ്യുവാന് കഴിയുന്നില്ല. അമ്മയെക്കണ്ടാല്ത്തന്നെ മുന്നില് നിരത്തുന്ന ആവശ്യങ്ങളുടെയും ആവലാതികളുടെയും കൂട്ടത്തില് ഈശ്വരദര്ശനത്തിനുള്ള ഉപായം അന്വേഷിക്കുന്നവര് വിരളം. ഭൗതികകാര്യങ്ങളെക്കുറിച്ചു ചോദിക്കരുതെന്നല്ല […]