ചോദ്യം : മനുഷ്യനും പ്രകൃതിയും തമ്മിലുള്ള ബന്ധം തകരാന് കാരണമെന്താണു്? (………തുടർച്ച) ശാസ്ത്രത്തിന്റെ കണ്ടുപിടിത്തങ്ങളെ അമ്മ നിന്ദിക്കുന്നില്ല. അവ ആവശ്യംതന്നെ. പക്ഷേ, മനുഷ്യന് മനസ്സിന്റെ വിദ്യ കൂടി പഠിക്കണം. ഇന്നതിനു് എങ്ങും മാര്ഗ്ഗമില്ല. എവിടെയും മനുഷ്യനിലെ മൃഗീയവാസനകളെ വളര്ത്താനുള്ള സാഹചര്യങ്ങളേയുള്ളൂ. ഓരോ ദിവസത്തെയും പത്രവാര്ത്തകള് നോക്കിയാല് കുറ്റകൃത്യങ്ങള് എത്ര പെരുകിയിട്ടുണ്ടെന്നു കാണുവാന് കഴിയും. മനസ്സിനെ ഈ താണപടിയില്നിന്നു് ഉദ്ധരിക്കുവാനുള്ള ക്രിയകളാണു ധ്യാനജപാദികള്. പക്ഷേ, അതിനാര്ക്കും സമയമില്ല. ഇരുപത്തിനാലുമണിക്കൂറില് ഒരു മണിക്കൂറെങ്കിലും സാധനയ്ക്കു നീക്കിവയ്ക്കുവാന് എത്ര പേര്ക്കു കഴിയുന്നുണ്ടു്? […]
Author / kairali
ചോദ്യം : മനുഷ്യനും പ്രകൃതിയും തമ്മിലുള്ള ബന്ധം തകരാന് കാരണമെന്താണു്? (………തുടർച്ച) ശാസ്ത്രം വികസിച്ചെങ്കിലും കാര്യങ്ങള് മുന്കൂട്ടി വിവേകപൂര്വ്വം കണ്ടു പ്രവര്ത്തിക്കുവാന് സ്വാര്ത്ഥത മൂലം മനുഷ്യന് മുതിരുന്നില്ല. കൃഷിക്കു കൃത്രിമവളങ്ങള് നല്കാനുള്ള കാരണം മനുഷ്യന്റെ സ്വാര്ത്ഥതയാണു്; സസ്യങ്ങളോടുള്ള സ്നേഹമല്ല. ഒരു ബലൂണ് വീര്പ്പിക്കുന്നതിനൊരു പരിധിയുണ്ടു്. അതിലധികം കാറ്റു നിറച്ചാല് ബലൂണ് പൊട്ടും. അതുപോലെ ഒരു വിത്തിനു നല്കാവുന്ന വിളവിനൊരു പരിധിയുണ്ടു്. അതു കണക്കാക്കാതെ കൃത്രിമവളങ്ങളും മറ്റും ചേര്ത്തു് ഉത്പാദനം വര്ദ്ധിപ്പിച്ചാല് വിത്തിന്റെ ശക്തിയും ഗുണവും കുറയും. അതു […]
ചോദ്യം : മനുഷ്യനും പ്രകൃതിയും തമ്മിലുള്ള ബന്ധം തകരാന് കാരണമെന്താണു്? മനുഷ്യനിലെ നിഷ്കളങ്കതയാണു പ്രകൃതിയുമായി അവനെ ബന്ധിക്കുന്ന ഘടകം. മഴവില്ലു കാണുമ്പോള്, കടല്ത്തിര കാണുമ്പോള്, ഒരു കൊച്ചുകുഞ്ഞിനുണ്ടാകുന്ന ആഹ്ലാദം നമുക്കു തോന്നുന്നുണ്ടോ? സ്വാര്ത്ഥത വളരുമ്പോള്, കുരുട്ടുബുദ്ധി ഏറുമ്പോള് നമ്മിലെ നിഷ്കളങ്കത നഷ്ടമാകുന്നു. അപ്പോള് മനുഷ്യന് പ്രകൃതിയില്നിന്നു് ഒറ്റപ്പെടുന്നു. പ്രകൃതിയെ ചൂഷണം ചെയ്യാന് ആരംഭിക്കുന്നു. പ്രകൃതിക്കു ഭീഷണിയാകുന്നതുവഴി തന്റെതന്നെ അന്ത്യത്തിനു കാരണമാവുകയാണു ചെയ്യുന്നതെന്നു് അവന് അറിയുന്നില്ല. മനുഷ്യനിലെ ശൈശവനിഷ്കളങ്കത നിലനിര്ത്താന് ഏറ്റവും സഹായകമാണു് ഈശ്വരവിശ്വാസം. ഭക്തിവിശ്വാസമുള്ള ഒരു വ്യക്തി […]
ചോദ്യം : അമ്മേ, മനുഷ്യനും പ്രകൃതിയും തമ്മിലുള്ള ബന്ധമെന്താണു്? അമ്മ : മക്കളേ, മനുഷ്യന് പ്രകൃതിയില്നിന്നു ഭിന്നനല്ല. അവന് പ്രകൃതിയുടെതന്നെ ഭാഗമാണു്. വാസ്തവത്തില് നമ്മള് പ്രകൃതിയെ രക്ഷിക്കുകയല്ല പ്രകൃതി നമ്മെ രക്ഷിക്കുകയാണു ചെയ്യുന്നതു്. ഭൂമിയില് മനുഷ്യന്റെ നിലനില്പുതന്നെ പ്രകൃതിയെ ആശ്രയിച്ചാണു്. പ്രാണവായുവിന്റെ ശുദ്ധീകരണം നടക്കണമെങ്കില് സസ്യലതാദികള് വേണം. അന്തരീക്ഷശുദ്ധിയില്ലാതെ വരുമ്പോള് നമ്മുടെ ആരോഗ്യം തകരുന്നു, ആയുസ്സു കുറയുന്നു, പലതരം രോഗങ്ങള്ക്കു് അടിമയാകുന്നു. പ്രകൃതിയിലെ ഏതൊരു മാറ്റവും മനുഷ്യനെ ബാധിക്കും. അതുപോലെത്തന്നെ മനുഷ്യന്റെ പ്രവൃത്തികളും ചിന്താതരംഗങ്ങളും പ്രകൃതിയിലും സമാനമായ […]
ചോദ്യം : ഈശ്വരൻ്റെ അടുത്തേക്കു് ഒരടി വച്ചാല്, അവിടുന്നു് ഇങ്ങോട്ടു നൂറടി വയ്ക്കും എന്നുപറഞ്ഞാല് ഈശ്വരന് നമ്മില്നിന്നു് അത്രയകലെയാണെന്നാണോ അര്ത്ഥം? (തുടർച്ച) ഒരുവന്റെ ചീത്ത പ്രവൃത്തിയെ മാത്രം ഉയര്ത്തിപ്പിടിച്ചു് അവനെ നമ്മള് തള്ളിയാല്, ആ സാധുവിന്റെ ഭാവി എന്തായിരിക്കും? അതേസമയം, അവനിലെ ശേഷിക്കുന്ന നന്മ കണ്ടെത്തി അതു വളര്ത്താന് ശ്രമിച്ചാല്, അതേ വ്യക്തിയെ, എത്രയോ ഉന്നതനാക്കി മാറ്റാന് കഴിയും. ഏതു ദുഷ്ടനിലും ഈശ്വരത്വം ഉറങ്ങിക്കിടക്കുന്നുണ്ടു്. അതു് ഉണര്ത്താന് ശ്രമിക്കുന്നതിലൂടെ വാസ്തവത്തില്, നമ്മള് നമ്മളിലെ ഈശ്വരത്വത്തെത്തന്നെയാണു് ഉണര്ത്തുന്നതു്. ഒരു […]
Download Amma App and stay connected to Amma