ചോദ്യം : അമ്മേ, മോക്ഷം എന്നാലെന്താണു്? (…..തുടർച്ച) മനസ്സിലെ സംഘര്ഷംമൂലം ഇന്നു നമുക്കു ശാന്തി അനുഭവിക്കാന് കഴിയുന്നില്ല. ഈ സംഘര്ഷം ഒഴിവാക്കണമെങ്കില് മനസ്സിന്റെ വിദ്യകൂടി മനസ്സിലാക്കിയിരിക്കണം. അതാണു് ആദ്ധ്യാത്മികവിദ്യ, അഗ്രിക്കള്ച്ചര് പഠിച്ചവനു വൃക്ഷം നട്ടു വളര്ത്തുവാന് പ്രയാസമില്ല. ശരിക്കു വളര്ത്തുവാനും അതിനെന്തു കേടുവന്നാലും ശുശ്രൂഷിച്ചു മാറ്റുവാനും കഴിയും. എന്നാല് ഇതൊന്നുമറിയാതെ കൃഷി ചെയ്താല് പത്തു തൈകള് നടുമ്പോള് ഒന്പതും നഷ്ടമായെന്നിരിക്കും. ഒരു മെഷീന് വാങ്ങി അതു പ്രയോഗിക്കേണ്ട രീതി മനസ്സിലാക്കാതെ ഉപയോഗിച്ചാല് ചീത്തയാകും. അതുപോലെ ജീവിതം എന്തെന്നു […]
Tag / ശാന്തി
ചോദ്യം : അമ്മേ, മോക്ഷം എന്നാലെന്താണു്? അമ്മ: മോനേ, ശാശ്വതമായ ആനന്ദത്തെയാണു മോക്ഷമെന്നു പറയുന്നതു്. അതു ഭൂമിയില്ത്തന്നെയാകാം. സ്വര്ഗ്ഗവും നരകവും ഭൂമിയില്ത്തന്നെ. സത്കര്മ്മങ്ങള് മാത്രം ചെയ്താല് മരണാനന്തരവും സുഖം അനുഭവിക്കാം. ആത്മബോധത്തോടെ ജീവിക്കുന്നവര് എപ്പോഴും ആനന്ദിക്കുന്നു. അവര് അവരില്ത്തന്നെ ആനന്ദിക്കുന്നു. ഏതു പ്രവൃത്തിയിലും അവര് ആനന്ദം കണ്ടെത്തുന്നു. അവര് ധീരന്മാരാണു്. നല്ലതുമാത്രം പ്രവര്ത്തിക്കുന്ന അവര് ജനനമരണങ്ങളെക്കുറിച്ചോര്ത്തു ഭയക്കുന്നില്ല. ശിക്ഷകളെപ്പറ്റി ചിന്തിച്ചു വ്യാകുലപ്പെടുന്നില്ല. എവിടെയും അവര് ആ സത്യത്തെ ഉള്ക്കൊണ്ടുകൊണ്ടു ജീവിക്കുന്നു. ഒരു ത്യാഗിയെ ജയിലിലടച്ചാല് അവിടെയും അദ്ദേഹം […]
ചോദ്യം : അമ്മേ, സാധന ചെയ്താല് ശാന്തി നേടാന് കഴിയുമോ? അമ്മ: മോളേ, സാധന ചെയ്തതുകൊണ്ടുമാത്രം ശാന്തി നേടാന് പറ്റില്ല. അഹങ്കാരം കളഞ്ഞു സാധന ചെയ്താലേ സാധനയുടെ ഗുണങ്ങളെ അനുഭവിക്കാന് പറ്റൂ. ശാന്തിയും സമാധാനവും നേടുവാന് കഴിയൂ. ഈശ്വരനെ വിളിക്കുന്നവര്ക്കെല്ലാം ശാന്തിയുണ്ടോ എന്നു ചോദിക്കുന്നവരുണ്ടു്. ആദര്ശം മനസ്സിലാക്കി വിളിച്ചാലല്ലേ ദുര്ബ്ബലമനസ്സു് ശക്തമാകുകയുള്ളൂ. ശാസ്ത്രങ്ങള് മനസ്സിലാക്കി സത്സംഗങ്ങള് ശ്രവിച്ചു് അതേ രീതിയില് ജീവിക്കുന്നവര്ക്കേ സാധനകൊണ്ടു ഗുണമുള്ളൂ. തന്റെ തപസ്സിനു ഭംഗം വരുത്തി എന്ന കാരണത്താല് പക്ഷിയെ ഭസ്മമാക്കിയ താപസന്റെ […]
ചോദ്യം : അമ്മേ, ജീവിതത്തില് ഒരു ശാന്തിയും സമാധാനവുമില്ല. എന്നും ദുഃഖം മാത്രമേയുള്ളൂ. ഇങ്ങനെ എന്തിനു ജീവിക്കണം എന്നുകൂടി ചിന്തിച്ചുപോകുന്നു. അമ്മ: മോളേ, നിന്നിലെ അഹങ്കാരമാണു നിന്നെ ദുഃഖിപ്പിക്കുന്നതു്. ശാന്തിയുടെയും സമാധാനത്തിന്റെയും ഉറവിടമായ ഈശ്വരന് നമ്മില്ത്തന്നെയുണ്ടു്. പക്ഷേ, അഹംഭാവം കളഞ്ഞു സാധന ചെയ്താലേ അതിനെ അറിയാന് കഴിയൂ. കുട കക്ഷത്തില് വച്ചുകൊണ്ടു്, വെയിലു കാരണം എനിക്കിനി ഒരടികൂടി മുന്നോട്ടു വയ്ക്കാന് വയ്യ, ഞാന് തളരുന്നു എന്നു പറയുന്നതുപോലെയാണു മോളുടെ സ്ഥിതി. കുട നിവര്ത്തിപ്പിടിച്ചു നടന്നിരുന്നുവെങ്കില് വെയിലേറ്റു തളരത്തില്ലായിരുന്നു. […]
ഇന്നു നമ്മള് കനകം കൊടുത്തു കാക്കപ്പൊന്നു സമ്പാദിക്കുകയാണു്. ഈ മണ്ണിന്റെ ആത്മീയസംസ്കാരം കളഞ്ഞുകുളിക്കാതെതന്നെ നമുക്കു സമ്പത്തു നേടാന് കഴിയും. ആദ്ധ്യാത്മികവും ഭൗതികവും പരസ്പരവിരുദ്ധങ്ങളല്ല. ഒന്നിനുവേണ്ടി മറ്റൊന്നു തള്ളേണ്ടതില്ല.
Download Amma App and stay connected to Amma