ಕೆನ್ಯ, ಎಪ್ರಿಲ್ 5:
ಕೆನ್ಯಾ ಗಣರಾಜ್ಯದ ಉಪಾಧ್ಯಕ್ಷ ಕಲೋಂಜ಼ೋ ಮ್ಯುಸಿಯೋಕ ಅವರು ಕೆನ್ಯದ ಮಾತಾ ಅಮೃತಾನಂದಮಯಿ ಮಠದವರು ಕಟ್ಟಿಸಿಕೊಟ್ಟ ನೂತನ ಅನಾಥಾಲಯವನ್ನು ಅಮ್ಮನವರ ಸಾನ್ನಿಧ್ಯದಲ್ಲಿ ಉದ್ಘಾಟನೆ ಮಾಡಿದರು. ಅತಿ ನದಿ ಹತ್ತಿರ ನಡೆದ ಈ ಸಾರ್ವಜನಿಕ ಸಮಾರಂಭದಲ್ಲಿ ಉಪಾಧ್ಯಕ್ಷರೇ ಅಲ್ಲದೆ ಇನ್ನೂ ಹಲವು ಗಣ್ಯರು ಭಾಗವಹಿಸಿದ್ದರು. ಕ್ರೀಡೆ ಮತ್ತು ಸಂಸ್ಕೃತಿ ಸಚಿವೆ ಶ್ರೀಮತಿ ವಾವಿನ್ಯಾ ನ್ದೇತಿ ಮತ್ತು ಜಿಲ್ಲಾ ಕಲೆಕ್ಟರ್, ಹಲವಾರು ಪಾರ್ಲಿಮೆಂಟ್ ಸದಸ್ಯರು, ಕೆನ್ಯಾದ ಖ್ಯಾತ ಗಾಯಕ ಎರಿಕ್ ವೈನೈನ ಅವರು ಉಪಸ್ಥಿತರಿದ್ದರು. ಮೊದಲ ಹಂತದಲ್ಲಿ ಈ ಬಾಲಗೃಹವು 108 ಮಕ್ಕಳಿಗೆ ಆಶ್ರಯತಾಣವಾಗುವುದು.

ಇದರ ಜೊತೆಗೆ ಉಳಿದೆರಡು ಯೋಜನೆಗಳು ಉದ್ಘಾಟಿತವಾದವು. ಇವು ಅಮೃತಾ ವೃತ್ತಿ ಶಿಕ್ಷಣ ತರಬೇತಿ ಕೇಂದ್ರ ಮತ್ತು ಅಮೃತಾ ಕುಡಿಯುವ ನೀರಿನ ವಿತರಣಾ ಯೋಜನೆ ಆಗಿವೆ.

ಅಮೃತಾ ವೃತ್ತಿ ಶಿಕ್ಷಣ ತರಬೇತಿ ಕೇಂದ್ರವು 35 ಕಂಪ್ಯೂಟರುಗಳಿಂದ ಸುಸಜ್ಜಿತವಾಗಿದ್ದು, ಪಕ್ಕದಲ್ಲಿರುವ ಜಾಂ ನಗರದ ಕೊಳೆಗೇರಿ ಜನರಿಗೆ ಉಪಕಾರಿಯಾಗಿರುತ್ತವೆ. ಈ ಕೇಂದ್ರದಲ್ಲಿ ಮೊದಲ ಬಾರಿಗೆ ೫೦ ಮಂದಿ ಮೂಲಭೂತ ಕಂಪ್ಯೂಟರ್ ಬಳಕೆ ತರಬೇತು ಪಡೆದಿದ್ದಾರೆ.

ಅಮೃತಾ ಕುಡಿಯುವ ನೀರು ವಿತರಣಾ ಕೇಂದ್ರವು ರಕ್ಷನಾ ಕೇಂದ್ರದ ಬಳಿ ಇರುವ ಬರಗಾಲದಿಂದ ತೀವ್ರ ಬವಣೆಗೊಳಗಾದ ಮಸಾಯಿ ಆದಿವಾಸಿಗಳಿಗೆ ಶುದ್ಧವಾದ ಕುಡಿಯುವ ನೀರನು ಸದಾ ಒದಗಿಸುವ ಸೌಲಭ್ಯ ಪಡೆದಿದೆ.